Հունվարի 7-ին ոստիկանության ԿՀԴՊ գլխավոր վարչություն է ներկայացել 22-ամյա Անդրանիկ Ա.-ն եւ հայտնել, որ www.facebook.com սոցիալական ցանցում Andre Makarov տվյալներով անհատական էջով սպառնալիք պարունակող հաղորդագրությունները Զարուհի Հ.-ի անհատական էջին ինքն է ուղարկել:
Ոստիկանությունում նա ասել է, որ ինքը www.police.am կայքէջում տեղադրված հաղորդագրությունից տեղեկացել է, որ ոստիկանությունը փնտրում է Andre Makarov տվյալներով օգտատիրոջը եւ ներկայացել է ԿՀԴՊ ԳՎ:

Ավելի վաղ տեղեկացրել էինք, որ 2016 թ.հունվարի 5-ին, ժամը 16-ին, 42-ամյա մի կնոջից ոստիկանության կազմակերպված հանցավորության դեմ պայքարի գլխավոր վարչությունում հաղորդում էր ստացվել, որ facebook.com սոցիալական ցանցում Andre Makarov տվյալներով հանդես եկած անհայտ օգտատերը հունվարի 4-ին իր անհատական էջին է ուղարկել հաղորդագրություններ, որոնք պարունակում են նրա և որդու կյանքին ու առողջությանն ուղղված սպառնալիքներ: