ՌԼԴԿ-ի առաջնորդ Վլադիմիր Ժիրինովսկին եւ Ալեքսեյ Դիդենկոն Ռուսաստանի Պետդումայում օրենքի նախագիծ են մտցրել Ռուսաստանի Պետդումա, որի համաձայն, պաշտոնյաների կանանց ու երեխաներին արգելվում է բիզնեսով զբաղվել: 

Պատգամավորներն առաջարկում են 2008-ի դեկտեմբերի   25-ի օրենքում համապատասխան փոփոխություններ մտցնել:    Նախաձեռնողները ցանկանում են  պետծառայողների համար սահմանափակումները սահմանող «Կոռուպցիային հակազդեցության մասին օրենքի» 12.1 հոդվածում կետ ավելացնել:  «Ռուսական Դաշնությունում պետական պաշտոններ զբաղեցնող  անձանց կանայք եւ չափահաս երեխաներն իրավունք չունեն ձեռնարկատիրական գործունեությամբ զբաղվել եւ մասնակցել տնտեսական սուբյեկտների կառավարմանը», - գրված է օրենքի նախագծի տեքստում: 

Օրենքը կարող է ուժի մեջ մտնել  2016-ի ապրիլի 1-ին: Հեղինակները նախատեսել են, որ նախաձեռնությունը պետծառայողների բիզնեսով զբաղվելը սահմանափակելու առաջարկ կդառնա:   Փաստաթղթում նշված չէ, թե ինչ կլինի պետական ծառայողների ազգականների արդեն գործող բիզնեսներին, եթե նախաձեռնությունն աջակցության արժանանա, գրում է «Իզվեստիան»։