նախընտրելի դարձնելՀայկական հասարակությունում ընդդիմության պահանջարկ կա: Ներկայիս ընդդիմությունը գրեթե մինչեւ վերջ լուսանցքայնացված է: Այդ մասին հունվարի 15-ի մամուլի ասուլիսի ընթացքում հայտնել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
Նրա խոսքով, պահանջարկ կա, իսկ առաջարկ չկա: «Նրան, ով այժմ իրեն ընդդիմություն է կոչում, մարդիկ չեն հավատում», - ընդգծել է Իսկանդարյանը: Քաղաքագետի տեսանկյունից 2016 թվականը հետաքրքիր կլինի: «Կընդունվի Ընտրական օրենսգիրքը, որը գրեթե Սահմանադրության չափ կարեւոր փաստաթուղթ է: Խորհրդարանական կառավարման անցնելուց հետո Հայաստանը ստիպված կլինի նորից վերակառուցվել», - կարծիք է հայտնել Ալեքսանդր Իսկանդարյանը: Իշխող Հայաստանի Հանրապետական Կուսակցությունը, շարունակել է նա, անում է ամեն հնարավորը, որպեսզի հաղթի 2017-ի խորհրդարանական ընտրություններում: «Այդ ընտրություններից առաջ նոր ուժ է հանդես գալիս: Հնարավոր է, որ դա ղեկավարի Ռուսաստանի հայերի միության նախագահ Արա Աբրահամյանը», - հավելել է քաղաքագետը:
