նախընտրելի դարձնելՕրերս Աշտարակի Ուջան գյուղում արտակարգ դեպք է տեղի ունեցել: NEWS.am-ին հայտնի է դարձել, որ գյուղի բնակիչների միջեւ վիճաբանությունն ավարտվել է դանակահարությամբ: Գյուղի 28-ամյա բնակիչը վիճաբանել է գյուղի միջնակարգ դպրոցի ուսուցչի հետ, որի ընթացքում նրան դանակով հարվածներ է հասցրել:
Մեր տեղեկություններով, 50-ամյա ուսուցիչը վնասվածք է ստացել կրծքավանդակի եւ ոտքի հատվածում:
Տեղեկացանք նաեւ, որ դանակահարության մեջ կասկածվող անձը նախկինում դատապարտված է եղել: Դեպքը տեղի է ունեցել հունվարի 15-ին: Նույն օրը նա տեղափոխվել է հիվանդանոց: Այս միջադեպով զբաղվում են իրավապահները:
Մանրամասները պարզվում են, կատարվում է քննություն:
