Աղթամարի Ս.Խաչին խաչ չտեղադրելու հետ կապված բավականին հետաքրքիր կարծիք է ձեւավորվել Վանի բնակչության շրջանում:

Վանի բնակչության շրջանում NEWS.am-ի իրականացրած ուսումնասիրությունը ցույց է տալիս, որ Վանի բնակչության հիմնական մասը կարծում է, թե Աղթամարի Ս.Խաչի վրա խաչ չտեղադրելու որոշումը` թուրքական իշխանությունը միտումնավոր է կայացրել` ստամբուլահայերի եւ հայաստանցիների միջեւ վեճ առաջացնելու համար:

Բազմաթիվ վանեցիներ կարծում են, թե դա թուրքական իշխանություններին հաջողվեց, քանի որ Հայաստանում ստամբուլահայերին որպես դավաճան են դիտում, իսկ ստամբուլահայերն էլ իրենց հերթին նեղված են հայաստանցիներից` համայն հայության աչքում իրենց պատվազրկելու համար:

Վան ժամանած ստամբուլահայերից մի քանիսը նշեցին, թե ստամբուլայերի մեջ եւս տիրում է անհամաձայնություն` առանց խաչ եկեղեցում պատարագի մասնակցելու շուրջ: Պատարագին մասնակցելու եկած ստամբուլահայերի քիչ քանակը կարծես թե հաստատում է հիշյալ պնդումը:

Աղթամարի Ս. Խաչի պատարագին մասնակցելու համար Վան է ժամանել ստամբուլահայերի 1-ից 2 տոկոսը: