Նախընտրելի
Բանգկոկի օդանավակայանում Թայլանդի իշխանությունները փղի 87 ժանիք են առգրավել, որոնք 800 հազար դոլար են գնահատվում, հայտնում է «ՌԻԱ Նովոստին»: http://ria.ru/
315 կգ կշռող խմբաքանակը տեղավորված էր մի քանի տակառում: Ժանիքներով տակառները Թայլանդ են եկել Մոզամբիկից, հայտնել է մաքսային ծառայության ներկայացուցիչը:
Այն քենիացին, որը պիտի ստանար ուղեբեռը, ենթադրաբար փախել է:
Մաքսանենգ ապրանքը հայտնաբերելուց հետո Թայլանդի իշխանությունները կապի մեջ են մտել իրենց քենիացի գործընկերների հետ: Վերջիններս պարզել են, որ նույն մարդը տեղափոխման էր պատրաստում փղի ժանիքի եւս մի խմբաքանակ 561 կգ քաշով:
Փղոսկրը թանկարժեք նյութ է, որն օգտագործվում է շքեղության առարկաների արտադրության մեջ: 1989-ին փղոսկրի միջազգային առեւտրի արգելք է մտցվել: 2002-ին ՄԱԿ-ը մասամբ թույլատրեց փղոսկրի առեւտուրը. այդ ժամանակվանից ընդամենը մի քանի երկիր կարող է այդ նյութի որոշակի քանակության առեւտուր անել: 2004-ին ՄԱԿ-ը ստիպված եղավ զիջումների գնալ եւ ավելի մեղմել արգելքը` աջակցելու համար հարավաֆրիկյան մի շարք պետությունների տնտեսություններին, բայց տեղի իշխանությունների կողմից խիստ վերահսկողության պայմանով: Սակայն այդ պայմանին չհետեւելու պատճառով 2006-ին փղոսկրի օրինական արտահանումը դարձյալ արգելվեց:
