ՀՀ խորհրդարանը ապրիլի 25-ին վավերացրել է ԱՊՀ սահմանապահների միջեւ համագործակցության մասին համաձայնագիրը։ Որոշումն ընդունվել է 95 կողմ, 3 դեմ եւ 4 ձեռնպահ քվեներով , տեղեկացնում է NEWS.am-ի թղթակիցը ԱԺ-ից։

Ազգային անվտանգության ծառայության ղեկավարի տեղակալ Արզուման Հարությունյանն ավելի վաղ հայտնել էր, որ պայմանագիրը նախատեսում է ճգնաժամային իրավիճակների առաջացման դեպքում Համագործակցության երկրների սահմանապահ ծառայությունների փոխգործակցությունը ԱՊՀ արտաքին սահմաններին:

Այս համաձայնագրին, որը ստորագրվել է 2007-ի հոկտոմբերի 5-ին Դուշանբեում, միացել են Հայաստանը, Բելառուսը, Ղազապստանը, Տաջիկստանը ու Ռուսաստանը: