նախընտրելի դարձնել
Օրերս արտակարգ դեպք է տեղի ունեցել Երեւանի Շենգավիթ համայնքում: NEWS.am-ին հայտնի է դարձել, որ մի երիտասարդ կին մարմնական վնասվածքներով տեղափոխվել է հիվանդանոց, իսկ այդ վնասվածքները, իր պատմելով, ստացել է ընթացքի մեջ գտնվող ավտոմեքենայից իրեն ցած նետելիս:
Նախնական տեղեկություններով` կինը նման քայլի է դիմել, երբ իր ծանոթ վարորդը փորձել է իր կամքին հակառակ սեռական հարաբերություն ունենալ իր հետ: Կինը մերժել է, որից հետո տղամարդը քաշքշել է իրեն եւ այդ ժամանակ էլ նա ընթացքի մեջ գտնվող ավտոմեքենայից իրեն ցած է նետել:
Կնոջ կյանքին վտանգ չի սպառնում: Նշված դեպքով զբաղվում են իրավապահները:
