նախընտրելի դարձնելԿենսունակ հանքարդյունաբերություն Հայաստանում հնարավոր է, այստեղ իրական հնարավորություններ կան: Այս մասին, այսօր՝ նոյեմբերի 16-ին, հանքարդյունաբերությանը վերաբերող համաժողովից առաջ լրագրողների հետ կարճ զրույցի ժամանակ նշել է Հայաստանում ԱՄՆ դեսպան Ռիչարդ Միլսը:
Նրա խոսքով, Հայաստանի հանքարդյունաբերության ոլորտում իրական հնարավորություններ կան, սակայն այդ հնարավորությունները պետք է իրացվեն բնության պահպանության եւ աշխատողների անվտանգության ապահովմամբ. «Կենսունակ հանքարդյունաբերությունը, այսինքն՝ հանքարդյունաբերությունը, որի շրջանակում հարգանք է ապահովվում բնապահպանական հարցերի նկատմամբ, ՀՀ-ում հնարավոր է: Դրա վառ օրինակներից մեկն Ամուլսարի նոր ծրագիրն է»:
 |
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Դեսպանն ընդգծել է, որ այդ հնարավորությունների զարգացմանը զուգընթաց պետք է նաեւ Կառավարության կողմից լինի վերահսկողություն այս ոլորտի նկատմամբ: Նա հիշեցրել է, որ բնապահպանական խմբերը, քաղաքացիական հասարակությունն ակտիվ հետեւում են այս ոլորտի զարգացումներին՝ ամեն ինչ անելով բնության պահպանության հարցերն ուշադրության կենտրոնում պահելու համար:
Դեսպանը վստահություն է հայտնել, որ Հայաստանում հանքարդյունաբերության ոլորտում եղած հնարավորությունների ճիշտ օգտագործումը կբերի նաեւ աշխատատեղերի բացմանը:
