նախընտրելի դարձնելՀնդկաստանի ընդդիմադիր կուսակցությունները մտադիր են բողոքի ակցիա կազմակերպել նոյեմբերի 8-ին մեկնարկած դրամական բարեփոխումների դեմ, հայտնում է NDTV–ն։
Տարբեր քաղաքներում ընդդիմադիր «Հնդկական ազգային կոնգրես» կուսակցության, Հասարակ մարդու կուսակցության եւ այլ շարժումների համախոհները պետք է բողոքի ակցիաներ կազմակերպեն։ Ընդդիմությունն ակնկալում է, որ ակցիային ներկա կլինի մի քանի մլն մարդ։
Երկրի որոշ շրջաններում ցուցարարները մտադիր են գործադուլ կազմակերպել։
Նոյեմբերի 8-ին Հնդկաստանի կառավարությունը հայտարարել էր, որ շրջանառությունից հանում է ամենախոշոր թղթադրամը՝ 1000 ռուփի արժողությամբ (15 դոլար), նորով է փոխարինում 500 ռուփի արժողությամբ հին թղթադրամը։ Շրջանառության մեջ էր դրվել նաեւ 2000 ռուփի արժողությամբ նոր թղթադրամ։
