Նախօրեին Օսվենցիմում ավտոճանապարհային պատահարից տուժած Լեհաստանի վարչապետ Բեատա Շիդլոյին ուղղաթիռով կտեղափոխեն Վարշավա, հաղորդում է TVN24 հեռուստաալիքը։

«Տիկին վարչապետը լրացուցիչ բժկական հետազոտություն կանցնի Վարշավայում», – թվիթերյան իր էջում նշել է կառավարության պաշտոնական ներկայացուցիչ Ռաֆալ Բոհենեկը։

Լեհաստանի դատախազությունը ուսումնասիրում  է Օսվենցիմում վարչապետի շարասյան մասնակցությամբ պատահարի հանգամանքները։ Ավելի ուշ կարող հետաքննություն սկսելու մասին որոշում կայացվել։

Միջադեպը տեղի էր ունեցել ուրբաթ երեկոյան, երբ վարչապետի շարասյան մի քանի մեքենաների մեջ է մխրճվել երկրորդական ճանապարհից դուրս եկած մեքենան։  Դեպքի վայրում արված լուսանկարներից երևում է, որ շարասյան մեքենաներից մեկը բախվել է ծառին եւ լրջորեն վնասվել։