նախընտրելի դարձնելՀՀ արտակարգ իրավիճակների նախարարությունը տեղեկացնում է, որ փետրվարի 17-ի ժամը 11:00-ի դրությամբ ՀՀ տարածքում կան փակ եւ դժվարանցանելի ավտոճանապարհներ:
Փակ է Հ-38 ավտոճանապարհի Բերդ-Ճամբարակ հատվածը, իսկ Մ-16 ավտոճանապարհի Բագրատաշեն-Ոսկեպար հատվածը փակ է կցորդիչով բեռնատարների համար:
Դժվարանցանելի են Սոթք-Քարվաճառ ավտոճանապարհը եւ Մ-10 ավտոճանապարհի Վարդենյաց լեռնանցքը:
Մ-2 ավտոճանապարհի Տիգրանաշենի ոլորանների հատվածում եւ Մ-2 ավտոճանապարհի Գորիս-Սիսիան հատվածում տեղ-տեղ առկա է մերկասառույց:
Սյունիքի մարզի Կապան, Քաջարան քաղաքներում տեղում է թույլ ձյուն:
ԼՂՀ-ում տեղում է ձյուն, դժվարանցանելի են հանրապետության ճանապարհները:
Փակ են Մարտակերտի Մեհմանա եւ Շուշիի շրջանի Քեյսավան համայնքների ավտոճանապարհները:
