նախընտրելի դարձնել«Ռուսաստանի ջավախքյան սփյուռք» կազմակերպությունը Վրաստանի կառավարությունից խնդրում է Ջավախքում ազատ առեւտրի գոտի ստեղծել:
Այս առնչությամբ կազմակերպության տարածած հայտարարության մեջ ասվում է.
«Ջավախքի հետ տնտեսական հարաբերությունների ձեւավորումն ու զարգացումը, անկասկած, համարվում է բավականին առաջատար ուղղություն: Տարածաշրջանի կառավարող մարմինները, ինչպես նաեւ տեղի բնակչությունը շահագրգռված են օտարերկրյա կապիտալի եւ ինվեստիցիոն նախագծերի ներդրմանը՝ տարածաշրջանի տնտեսության գրեթե բոլոր բնագավառներում: Այն օբյեկտիվ գործոնը, որը նպաստում է օտարերկրյա ներդրողների հետաքրքրվածության բարձրացմանը՝ կապված տարածաշրջանում բիզնեսի զարգացման հետ, համարվում է.
- Մարզի կարեւոր աշխարհագրական դիրքը եւ մոտ գտնվելը երկաթուղային ճանապարհներին, որոնք իրար են միացնում հյուսիսն ու հարավը, արեւելքն ու արեւմուտքը:
- Դեռեւս չօգտագործված բնական պաշարների, ինչպես նաեւ էժան աշխատուժի առկայությունը:
- Համեմատաբար զարգացած ենթակառուցվածքները եւ Հայաստանին, (Եվրասիական տնտեսական միության երկրներին), ինչպես նաեւ Բաթումիի եւ Փոթիի ծովային խոշոր նավահանգիստներին մոտ գտնվելը:
Ինչպես հայտնի է, ժամանակակից ամենաարդյունավետ ենթակառուցվածքների ներդրման գործիքներից մեկը ազգային տնտեսության մեջ համարվում է տնտեսական ազատ գոտիների ստեղծումը, որը ներկայումս բավականին առաջատար տեղ է զբաղեցնում համաշխարհային տնտեսության մեջ: Սրանից ելնելով՝ մենք դիմում ենք Վրաստանի իշխանություններին խնդրանքով.
Ջավախքը (Սամցխե-Ջավախք-Ծալկա) հայտարարել առեւտրի ազատ գոտի:
Սամցխե-Ջավախքում առեւտրի ազատ գոտու ստեղծումը կնպաստի ինտեգրացիոն գործընթացների զարգացմանը եւ Վրաստանի ընդհանուր տնտեսության առաջընթացի խթանմանը»:
