նախընտրելի դարձնելՀՀ սփյուռքի նախարար Հրանուշ Հակոբյանը այցելեց Սուրբ Հարության տոնի առթիվ ՀՀ սփյուռքի նախարարության եւ «Սիրիահայերի հիմնախնդիրները համակարգող կենտրոն» հասարակական կազմակերպության նախաձեռնությամբ
«Երեւան Մոլ» առեւտրի եւ զվարճանքի համալիրում այսօր՝ ապրիլի 13-ին, բացվել է «Սիրիահայ մշակույթի շունչը Երեւանում» ավանդական դարձած բարեգործական ցուցահանդես-տոնավաճառ:
Սփյուռքի նախարարությունից NEWS.am-ին հայտնում են, որ նախարար Հրանուշ Հակոբյանն այցելել է այնտեղ, շրջել տաղավարներով, ծանոթացել սիրիահայերի աշխատանքներին, բարձր գնահատել նրանց սպասարկման մշակույթն ու մատուցման ոճը եւ հիացմունք հայտնել հատկապես ձեռագործ աշխատանքների վերաբերյալ:
Այնուհետեւ Սփյուռքի նախարարը պատասխանեց լրագրողների հարցերին: Նա մասնավորապես նշել է. «Անցնող հինգ տարիների ընթացքում երկրի ղեկավարության, կառավարության ծրագրերը ուղղված են նրան, որ սիրիահայերը հաստատվեն, մնան ու արարեն իրենց Հայրենիքում՝ Հայաստանում, ինտեգրվեն հասարակությանը: Այս ցուցահանդես-տոնավաճառները դրա ապացույցն են եւ նպատաուղղված են նաեւ սիրիահայերի ինտեգրմանը: Հիսունից ավելի անհատ ձեռներեցներ կամ մանր բիզնեսի ներկայացուցիչներ այս պահին իրենց արտադրանքը ցուցադրում են, վաճառում, գտնում գործընկերներ, ընդլայնում բիզնեսը: Մենք, համագործակցելով ՄԱԿ-ի հայաստանյան գրասենյակի, ՄԱԿ-ի արդյունաբերական զարգացման կազմակերպության եւ Գերմանիայի միջազգային համագործակցության ընկերության հետ, փորձում ենք արագացնել սիրիահայերի տնտեսական ինտեգրումը: Իսկ ահա կրթական եւ սոցիալական հիմնխնդիրները ամբողջությամբ լուծված են: Չկա մի ոլորտ, որտեղ սիրիահայերի համար դռները բաց չեն, եւ չեն գտնվում ուղիներ նրանց օգնելու համար»:
