նախընտրելի դարձնել
Լոռու մարզի Տաշիր քաղաքում արտակարգ դեպք է տեղի ունեցել։ NEWS.am–ին հայտնի է դարձել, որ Տաշիրից մոտ 2 կմ հեռավորության վրա գտնվող «Մեղվիկ» կոչվող այգու տարածքում մեքենայի մեջ հայտնաբերվել է տղամարդու դի։ Դին հետեւի նստարանի վրա է հայտնաբերվել։
Ավելի ուշ պարզվել է տղամարդու ինքնությունը։ Նա նույն ավտոմեքենայի սեփականատերն է, 68 տարեկան։ Թե ինչ հանգամանքներում է նա մահացել, դեռ հայտնի չէ։
Այս դեպքի վերաբերյալ NEWS.am–ի հետ զրույցում ոստիկանությունից հայտնել են, որ նշանակվել է դատաբժշկական փորձաքննություն, հարուցվել է քրեական գործ։ Ոստիկանությունից վստահեցրել են, որ դիակի վրա արտաքին զննությամբ բռնության հետքեր չեն հայտնաբերվել։ Քննություն է կատարվում:
