նախընտրելի դարձնելՀՀ բնապահպանության նախարարության բնության հատուկ պահպանվող տարածքներում շարունակվում են իրականացվել խիստ հսկողություն եւ հակահրդեհային միջոցառումներ:
Բնապահպանության նախարարությունից NEWS.am-ին հայտնում են, որ օգոստոսի 29-ին «Սեւան» ազգային պարկ» ՊՈԱԿ-ի տարածքում արձանագրվել է հրդեհի բռնկման երկու դեպք.
Ժամը 16:00-ի սահմաններում «Սեւան» ազգային պարկ» ՊՈԱԿ-ի Արեւիկի մասնաճյուղի Փամբակ տեղամասում անհայտ պատճառով հրդեհ է բռնկվել, ինչի արդյունքում այրվել է մոտավորապես 5 հա չոր տարածք:
Ժամը 20:00-ի սահմաններում «Սեւան» ազգային պարկ» ՊՈԱԿ-ի Արտանիշի մասնաճյուղի Դրախտիկ տեղամասում անհայտ պատճառով հրդեհ է բռնկվել, ինչի արդյունքում այրվել է 500մ2 չոր խոտածածկ տարածք: Ձեռնարկված միջոցառումների արդյունքում հրդեհները մարվել են:
Հիշեցնենք, որ համաձայն ՀՀ բնապահպանության նախարար Ա. Մինասյանի 2017թ. հուլիսի 17-ի N 232-Ա հրամանի` ՀՀ բնապահպանության նախարարության ենթակայության տակ գտնվող բնության հատուկ պահպանվող տարածքները գտնվում են շուրջօրյա խստացված հսկողության տակ, ձեռնարկվում են կանխարգելիչ միջոցառումներ:
