նախընտրելի դարձնել«Մեկ ազատ աշխարհ» միջազգային կազմակերպությունն ավարտել է իր քառօրյա փաստահավաք առաքելությունն Արցախում: Կազմակերպության նպատակն էր հավաքել եւ ուսումնասիրել 2016 թ. ապրիլին տեղի ունեցած ռազմական գործողությունների մասին տեղեկատվությունը:
Օգոստոսի 30-ից սեպտեմբերի 2-ը Կանադայի Համայնքների պալատի պատգամավորներ Թոնի Քլեմենտը եւ Ռաչեր Հարդերը «Մեկ ազատ աշխարհ» միջազգային կազմակերպության նախագահ եւ հիմնադիր Մաջեդ էլ Շաֆիի գլխավորությամբ ալցելել են Արցախ:
Կանադացի խորհրդարանականներին Արցախում ուղեկցել են ՀՀ ԱԺ պատգամավոր Կարինե Աճեմյանը եւ ԱՄՆ-ում Արցախի մշտական ներկայացուցիչ Ռոբերտ Ավետիսյանը:
Փաստահավաք առաքելության անդամներին Արցախում ընդունել են Արցախի Հանրապետության նախագահ Բակո Սահակյանը, ԱՀ Ազգային ժողովի նախագահ Աշոտ Ղուլյանը, Պաշտպանության նախարար Լեւոն Մնացականյանը եւ ԱԳ նախարար Կարեն Միրզոյանը:
Հանդիպումների ընթացքում արծարծվել են Կանադա-Արցախ կապերին, տարածաշրջանային գործընթացներին, Արցախի ներքին եւ արտաքին քաղաքականությանը վերաբերող տարբեր հարցեր:
Կանադայի խորհրդարանի անդամներ Թոնի Քլեմենթն ու Ռեյչել Հարդերը, ովքեր առաջին անգամ էին տարածաշրջանում, կարեւորել են Արցախի պատմությանն ու ներկա քաղաքական իրավիճակին ծանոթանալու ու ստացած տեղեկություններն իրենց գործընկերների հետ կիսելու հնարավորությունը:
Արցախի Հանրապետություն կատարած այցի շրջանակում հյուրերը եղել է առաջնագծում, այցելել Թալիշ գյուղ եւ տեղում ծանոթացել 2016 թվականի ապրիլին ադրբեջանական զինված ուժերի կատարած վայրագություններին առնչվող փաստերին, որոնք արձանագրված են Արցախի մարդու իրավունքների պաշտպանի գրասենյակի կատարած փաստահավաք առաքելության ջանքերով:
Պատվիրակությանն առաջնագիծ եւ Թալիշ գյուղ ուղեկցել է ԱՀ մարդու իրավունքների պաշտպան Ռուբեն Մելիքյանը:
Արցախի Հանրապետությունում տեղի է ունեցել նաեւ Կանադայի Համայնքների պալատի պատգամավորների եւ Մաջեդ էլ Շաֆիի մամուլի ասուլիսը, որի ընթացքում <<Մեկ ազատ աշխարհ>> միջազգային կազմակերպության նախագահը հայտարարել է, որ գրավոր դիմելու է Կանադայի իշխանություններին եւ շարունակելու է իր ուշադրության կենտրոնում պահել մարդու իրավունքների նման կոպիտ խախտումները՝ մեղավորներին պատասխանատվության ենթարկելու նպատակով:
