նախընտրելի դարձնելՄշակութային արժեքների վերահսկողությունը պետք է պետական խիստ վերահսկողության ներքո լինի։ Բայց եթե որեւէ մեկը զանգվածային արտադրանք է դուրս տանում, պետք չէ նրանց սահմանին երկար պահել։ Այս մասին սեպտեմբերի 6-ին հայտարարեց ԱԺ կրթության, գիտության, երիտասարդության եւ սպորտի հանձնաժողովի նախագահ, «Ծառուկյան» դաշինքի պատգամավոր Վարդան Բոստանջյանը։
Նիստի ժամանակ ներկայացվեց «Մշակութային արժեքների ներմուծման եւ արտահանման մասին» օրենքում փոփոխությունների նախագիծը։ Փոփոխությունների վերահսկողության ազգային ռեժիմը եվրասիականի հետ են համաձայնեցնում։ Այսպես, մշակութային արժեք ներկայացնող իրերի արտահանման համար (նաեւ ժամանակավոր) եզրակացություն է անհրաժեշտ։ Այն կտա մշակութային արժեքների պաշտպանության գործակալությունը։ «Այն նաեւ կսահմանի մշակութային արժեք ներկայացնող առարկաների տեսակները, որոնց համար նման եզրակացություն անհրաժեշտ չէ», -նիստի ժամանակ ասաց մշակույթի փոխնախարար Արթուր Պողոսյանը։
Իսկ զանգվածային հուշանվերների, քանդակների կամ նկարների համար եվրասիական պահանջների հետեւելու համար բավական է միայն դրանք լուսանկարել եւ Գործակալությունում ցույց տալ, որը լուսանկարի հակառակ կողմում կնիք կդնի։
«Շատ լավ է։ Հակառակ պարագայում, ենթադրենք ինչ-որ մեկը «Վերնիսաժ»-ից մի անպետքություն է դուրս տանում, չէ՞ որ մաքսավորները չեն կարող դրա պատճառով նրա կյանքը փչացնել»,-ասաց Բոստանջյանը։
