նախընտրելի դարձնելԱՄՆ-ն պաշտոնապես համաձայնել է Նիգերիային Super Tucano A-29 12 ռազմական ինքնաթիռ եւ զենք վաճառել: Այս մասին հայտարարել են երկրի ռազմաօդային ուժերի ներկայացուցիչները` հաստատելով գործարքի վերականգնումը, որը ԱՄՆ նախկին նախագահ Բարաք Օբամայի վարչակազմի կողմից սառեցվել էր Նիգերիայում մարդու իրավունքների խնդիրների պատճառով, հաղորդում է Reuters-ը:
Նիգերիայի օդուժը ռմբակոծել էր փախստականների ճամբարը, որից հետո Օբաման կասեցրել էր վաճառքը:
Սակայն, գործող նախագահ Դոնալդ Թրամփը որոշել է աջակցել Նիգերիայի՝ «Բոկո հարամի» զինյալների դեմ պայքարի ջանքերը:
ԱՄՆ կառավարության եւ Նիգերիայի ռազմաօդային ուժերի ներկայացուցիչները հունվարի սկզբին կհանդիպեն ինքնաթիռների արագ առաքման հարցը քննարկելու համար:
12 ինքնաթիռի եւ զենքի վաճառքը 593 մլն դոլար է կազմում եւ ներառում է հազարավոր ռումբեր եւ հրթիռներ:
