6-ամյա Գրեյսի որդեգրման մասին պատմությունը հայտնվել է արտասահմանյան լրատվամիջոցներում: Independent-ը գրում է, որ աղջկա հայրը փրկարար է աշխատում: Նա օգնել է աղջկան լույս աշխարհ գալ եւ դրանով իսկ փրկել է նրան:

Մարկ Հադենը որովայնի ցավերից տանջվող կնոջ մասին կանչից հետո դուրս է եկել: Դեպքը եղել է 2011-ի նոյեմբերի 14-ին: Նա օգնել է երեխային լույս աշխարհ գալ, որից հետո պարզվել է, որ մայրը մտադիր է երեխային որդեգրման համար հանձնել, քանի որ ի վիճակի չէ նրան պահել:

Դեպքից երկու օր անց Մարկը երեխային տուն է բերել:

Մարկը եւ իր կին Բեթն արդեն երկու որդի ունեին, սակայն հղիության ժամանակ առաջացած բարդութուններից նրանք չէին համարձակվում եւս մեկ երեխայի ունենալ եւ որդեգրելու մասին էին երազում:

Այժմ Գրեյսը 6 տարեկան է: Ծնողները որդեգրման մասին պատմությունը երեխայից չեն թաքցրել: