նախընտրելի դարձնելԱՄՆ պետքարտուղարի առաջին տեղակալ Ջոն Սալիվանը պաշտոնապես դարձել է Պետդեպարտամենտի ղեկավարի ժամանակավոր պաշտոնակատար։ Նա այս պաշտոնը կզբաղեցնի այնքան ժամանակ, քանի դեռ ԱՄՆ Կոնգրեսի Սենատը չի հաստատել Կենտրոնական հետախուզական վարչության նախկին ղեկավար Մայքլ Պոմպեոյի թեկնածությունն այս պաշտնում, գրում է ՏԱՍՍ-ը։
Նախկին պետքարտուղար Ռեքս Թիլորսոնն ԱՄՆ նախագահ Դոնալդ Թրամփի կողմից ազատվել էր այս պաշտոնից մարտի 13-ին։
«Պետքարտուղարի առաջին տեղակալ Ջոն Սալիվանը փորձառու ղեկավար է, որը Սպիտակ տանը արժանացել է գործընկերների վստահությանն ու հարգանքին։ Այն բանից հետո, երբ նա այսօր սկսել է կատարել պետքարտուղարի պարտականությունները, Պետքարտուղարությունը հուսալի ձեռքերում կլինի, քանի դեռ Մայքլ Պոմպեոն անցնում է հաստատման գործընթացը»,-իր թվիթերյան էջում գրել է Պետքարտուղարության մամուլի ծառայության ղեկավար Հեզեր Նաուերտը։
Deputy Secretary John Sullivan is an experienced leader who has earned the trust and respect of his colleagues and the @WhiteHouse. As he assumes the title of Acting Secretary of State today, @StateDept will be in steady hands as Mike Pompeo moves through the nomination process.
— Heather Nauert (@statedeptspox) 1 апреля 2018 г.
