նախընտրելի դարձնելՀՀ նախագահ Սերժ Սարգսյանն իր այսօրվա հրամանագրով ուժը կորցրած է ճանաչել ՀՀ նախագահի մի շարք հրամանագրեր:
ՀՀ նախագահի համապատասխան հրամանագրում ասվում է.
«Հիմք ընդունելով «Իրավական ակտերի մասին» Հայաստանի Հանրապետության օրենքի 71-րդ հոդվածի 5-րդ մասը` որոշում եմ.
1. Ուժը կորցրած ճանաչել՝
1) Հայաստանի Հանրապետության Նախագահի 1999 թվականի հուլիսի 23-ի «Հայաստանի Հանրապետության Նախագահին առընթեր ներման հարցերի հանձնաժողովի նոր կազմի մասին» ՆՀ-348 հրամանագիրը.
2) Հայաստանի Հանրապետության Նախագահի 1999 թվականի հուլիսի 23-ի «Հայաստանի Հանրապետության Նախագահին առընթեր քաղաքացիության հարցերի հանձնաժողովի նոր կազմի մասին» ՆՀ-349 հրամանագիրը.
3) Հայաստանի Հանրապետության Նախագահի 2000 թվականի ապրիլի 18-ի «Գերիների, պատանդների և անհայտ կորածների հարցերով զբաղվող հանձնաժողով ստեղծելու մասին» ՆՀ-553 հրամանագիրը.
4) Հայաստանի Հանրապետության Նախագահի 2000 թվականի դեկտեմբերի 31-ի «Գործարարության աջակցման խորհուրդ ստեղծելու մասին» ՆՀ-768 հրամանագիրը.
5) Հայաստանի Հանրապետության Նախագահի 2001 թվականի հուլիսի 20-ի «Տեղեկատվական տեխնոլոգիաների զարգացմանն աջակցող խորհուրդ ստեղծելու մասին» ՆՀ-896 հրամանագիրը.
6) Հայաստանի Հանրապետության Նախագահի 2008 թվականի հունիսի 13-ի «Հանրային խորհուրդ ստեղծելու մասին» ՆՀ-157-Ա հրամանագիրը:
2. Հայաստանի Հանրապետության կառավարությանը՝ սույն հրամանագրի 1-ին կետի 3-րդ, 4-րդ և 5-րդ ենթակետերում նշված հրամանագրերն ուժը կորցրած ճանաչելու արդյունքում առաջանալիք իրավակարգավորման հնարավոր բացերը կանխելու նպատակով ապահովել համապատասխան իրավական ակտերի նախագծերի մշակումը և սահմանված կարգով ընդունող մարմնի հաստատմանը ներկայացնելը:
3. Սույն հրամանագիրն ուժի մեջ է մտնում նորընտիր Հանրապետության նախագահի կողմից իր պաշտոնն ստանձնելու օրը, բացառությամբ սույն հրամանագրի 2-րդ կետի, որն ուժի մեջ է մտնում սույն հրամանագրի ընդունմանը հաջորդող օրվանից:
Ավելի վաղ NEWS.am-ը հայտնել էր, որ պայմանավորված 2015 թվականին ընդունված նոր սահմանադրության դրույթներով, մի շարք լիազորություններ նախագահից անցնում են վարչապետին: Մասնավորապես, ներում շնորհելու համար ՀՀ նախագահը պետք է առաջարկություն ստանա վարչապետից, ինքնուրույն չի կարող որեւէ անձի ներում շնորհել: Բացի այդ, ըստ Սահմանադրության, Հանրային խորհուրդը կառավարության խորհրդակցական մարմին է, որի գործունեությունը սահմանվում է օրենքով:
«Հանրային խորհրդի մասին» օրինագիծն ընդունվեց. «Ծառուկյան» խմբակցությունը դեմ էր
