նախընտրելի դարձնելԱրագածոտնի մարզի Ապարան համայնքում լայնածավալ շինաշխատանքներ են կատարվում, համայնքը ակտիվորեն պատրաստվում է հերոսամարտի 100-րդ տարեդարձին։
Ապարան համայնքը մեծ պոտենցիալ ունի նաեւ արկածային ինչպես նաեւ էկո տուրիզմի զարգացման համար: Համայնքի ղեկավար Կարեն Եղիազարյանի հանձնարարությամբ հավաքագրվել է տուրիզմի զարգացման համար հետաքրքրություն ներկայացնող վայրերը:
Խոշորոցված համայնքի կենտրոն Ապարան քաղաքում իրանականցվում է լայնածավալ բարեկարգման, քաղաքի արտաքին տեսքի վերականգնման ինչպես նաեւ քաղաքային զբոսայգիների կառուցապատման, նոր հանգստի գոտիների ստեղծման աշխատանքներ: Շինարարական աշխատանքներին զուգահեռ քաղաքում իրականացվում է նաեւ լայնածավալ կանաչապատման եւ կոսմետիկ հարդարման աշխատանքներ:
Քաղաքի հրապարակային հատվածում՝ Տիգրան Պետրոսյանի անվան պուրակում տնկվել են արծաթափայլ եղեւնիներ, եղեւնիների տնկման աշխատանքները լինելու են շարունակական: Ծառատնկման աշխատանքներ են իրականացվում նաեւ «Վերածնունդ» հուշահամալիրի տարածքում:
Նախատեսված է ամբողջովին բարեկարգել քաղաքի կենտրոնական՝ Բաղրամյան փողոցը: Շարունակվում են իրականացվել նաեւ բազմաբնակարան շենքերի արտաքին տեսքի վերականգնման աշխատանքները:
