Ավստրալական Մելբուռնի արեւմտյան արվարձանում գտնվող քիմիական գործարանում խոշոր հրդեհ է բռնկվել, հայտնում է АВС հեռուստաալիքը:

Հրշեջ ծառայության տեղեկացմամբ՝ հրդեհի մարմանը մասնակցում է գերատեսչության ավելի քան 120 աշխատակից եւ մոտ 30 հրշեջ մեքենա:

Ձեռնարկության պահեստներում տեղի են ունենում ացետիլենի եւ ացետոնի պարունակությամբ տարաների պայթյուններ:

Հրդեհի շրջանում փակվել են մի քանի դպրոցներ, տեղի բնակիչներին խնդրում են պատուհանները չբացել արվարձանը ծածկած թունավոր ծխի պատճառով: