նախընտրելի դարձնել
Չեչնիայի ղեկավար Ռամզան Կադիրովը սափրել է գլուխը եւ մնացած տղամարդկանց կոչ արել հետեւել իր օրինակին, հայտնում է «ՌԻԱ Նովոստի»-ն։
Ավելի վաղ Կադիրովի գլխավորությամբ օպերատիվ շտաբի նիստում, որն անցել է Instagram-ի ուղիղ եթերում, տեղի իշխանությունները խնդրել են հանրապետության ղեկավարին բացել վարսավիրանոցները։ Ի պատասխան՝ Կադիրովը խորհուրդ է տվել տղամարդկանց սափրել գլուխները։
Այնուհետեւ հանրապետության ղեկավարն ինքն է սափրվել։
«Սրահները, վարսավիրանոցները չեն աշխատում, այդ պատճառով ես սափրել եմ գլուխս, ինչպես դա անում էին մեր նախնիները, դա շատ օգտակար է։ Մեր Մարգարեն նույնպես սափրում էր գլուխը։ Սափրեք ձեր գլուխները»,- ասել է նա։
Մարտի վերջին կորոնավիրուսի համավարակի պատճառով Չեչնիայում փակել են ռեստորանները, գեղեցկության սրահները, զվարճանքի հաստատությունները։ Տարածաշրջանային առողջապահության նախարարության տվյալներով՝ հանրապետությունում կորոնավիրուսով վարակման 303 դեպք կա, 5-ը՝ մահվան ելքով։
