Նախընտրելի
Ապրիլի 28-ին, ժամը 11:12-ին Ճգնաժամային կառավարման ազգային կենտրոն ահազանգ է ստացվել, որ Երեւանի Խանջյան փողոցում տեղի է ունեցել ՃՏՊ. բախվել են ավտոմեքենաներ, կա տուժած: Այս մասին հայտնում է ԱԻՆ-ը։
Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են Ուրուգվայի դեսպանատան հաշվեկշռին գրանցված «Mercedes S 500» (վարորդ՝ Դավիթ Հ., ծնված 2001 թ.) եւ «ՎԱԶ-2106» (վարորդ՝ Խաչատուր Բ., ծնված 1984 թ.) մակնիշների ավտոմեքենաները, ինչի հետեւանքով «ՎԱԶ-2106» մակնիշի ավտոմեքենայի վարորդ Խաչատուր Բ.-ն ստացել է տարբեր աստիճանի մարմնական վնասվածքներ:
Մինչ փրկարարների կանչի վայր հասնելը՝ Խաչատուր Բ-ն հոսպիտալացվել է «Հերացի» թիվ 1 հիվանդանոցային համալիր, որտեղ մահացել է:
Փրկարարները հոսանքազրկել են ավտոմեքենաները եւ փակել «ՎԱԶ-2106» մակնիշի ավտոմեքենայի գազի բալոնի փականը:
