նախընտրելի դարձնել
Հայաստանի գլխավոր դատախազությունում հարուցվել է քրեական գործ` հարկերը վճարելուց չարամտորեն խուսափելու փաստի առթիվ:
Գլխավոր դատախազությունից NEWS.am-ին հայտնում են, որ նախապատրաստված նյութերի ուսումնասիրությամբ պարզվել է, որ Ստեփանավանի ճանապարհների շահագործում եւ շինարարություն ՍՊ ընկերության տնօրեն Ս. Ջիլավյանը 2009-2010թթ. ընթացքում կազմել եւ տարածքային հարկային տեսչություն է ներկայացրել հիշյալ ընկերության` 2009թ. հուլիս-նոյեմբեր եւ 2010թ. մարտ-հունիս ամիսների ԱԱՀ-ի կեղծ հաշվարկներ, ինչպես նաեւ` 2009թ. գործունեության վերաբերյալ տարեկան կեղծ հաշվետվություն: Ակնհայտ խեղաթյուրված տվյալներ մտցնելու միջոցով, այն է` իրացման շրջանառությունը թաքցնելու, պակաս ցույց տալու, ԱԱՀ-ի անհիմն հաշվանցումներ, նվազեցումներ կատարելու միջոցով, ՍՊ ընկերության տնօրենը չարամտորեն խուսափել է ընդհանուր առմամբ 25 167 120 դրամ առանձնապես խոշոր չափերի հարկերը պետական բյուջե վճարելուց:
ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ` ՀՀ քրեական օրենսգրքի 205-րդ հոդվածի 2-րդ մասով:
