նախընտրելի դարձնել
Բելառուսը հաստատել է Բալթյան երկրների նկատմամբ ասիմետրիկ պատժամիջոցային ցուցակը: Այս մասին, ՏԱՍՍ-ի հաղորդմամբ, Մոսկվայում մամուլի ասուլիսի ժամանակ ասել է Բելառուսի ԱԳՆ ղեկավար Վլադիմիր Մաքեյը:
«Երեկ մենք համաձայնեցրել ենք Լիտվայի, Լատվիայի եւ Էստոնիայի նկատմամբ ասիմետրիկ պատժամիջոցային ցուցակը»,-ասել է նա:
Նա նշել է, որ որոշ երկրներ Բելառուսի նախագահական ընտրություններն օգտագործեցին երկրի վիճակը ապակայունացնելու նպատակով:
Մաքեյն ընդգծել է, որ Մինսկը կտրականապես դեմ է հեղափոխական ցնցումներին, որոնք կազմակերպում են արտաքին ուժերը:
Նրա խոսքով՝ հանրապետության ղեկավարությունը ելնում է նրանից, որ միայն խաղաղ շարժումը կհանգեցնի խաղաղության եւ կայունության:
Մաքեյը հավաստիացրել է, որ Բելառուսում ներքին հակասությունները շուտով կվերանան:
Նրա խոսքով՝ օպտիմալ տարբերակ է սահմանադրական բարեփոխումը, սակայն նա սահմանադրության պատրաստման ժամկետներ չի նշել: Նա միայն հավաստիացրել է, որ աշխատանքներ են տարվում:
Մաքեյի խոսքով՝ Բելառուսում տեղի ունեցող իրադարձությունները որոշ եվրոպական գործընկերների հետ հարաբերությունները հետ գցեցին:
