ԱՄՆ Ներկայացուցիչների պալատի արտաքին հարաբերությունների հանձնաժողովի հանրապետական եւ դեմոկրատ առաջնորդները նախագահ Դոնալդ Թրամփի վարչակազմին կոչ են արել հետաքննել ռուս քաղաքական գործիչ Ալեքսեյ Նավալնու հավանական թունավորումը՝ ենթադրելով, որ հնարավոր է պատժամիջոցներ պահանջվեն:

«Եթե Ռուսաստանի կառավարությունը կրկին որոշի քիմիական զենք օգտագործել իր քաղաքացիներից մեկի դեմ, ապա պետք է լրացուցիչ պատժամիջոցներ կիրառվեն»,- Թրամփին ուղղված նամակում հայտարարել են հանձնաժողովի համանախագահները՝ դեմոկրատ Էլիոտ Էնգելը եւ հանրապետական Մայքլ Մաքքոլը:

Օգոստոսի 22-ին Նավալնին տեղափոխվել է Գերմանիայի հիվանդանոց, որտեղ բժիշկները հայտնել են, որ նրան թունավորել են նյարդապարալիտիկ նյութով։