նախընտրելի դարձնել
Վրաստանի խորհրդարանը վստահություն է հայտնել կառավարության նոր կազմին վարչապետ Գեորգի Գախարիայի գլխավորությամբ, հաղորդում է Sputnik-Գրուզիա-ն:
Ներկայացված ցուցակի օգտին քվեարկել է 85 պատգամավոր, դեմ ձայներ չեն գրանցվել. բոլորը ներկայացրել են իշխող «Վրացական երազանք՝ դեմոկրատական Վրաստան» կուսակցությունը: Նիստերի դահլիճում դեռեւս ընդդիմության տեղերը դատարկ են:
Նոր կառավարության լիազորությունները ճանաչելուց հետո Վրաստանի կառավարությունը հրաժարական է տվել ամբողջ կազմով: Նոր կառավարությունը, որում կատարվել են նվազագույն փոփոխություններ, ունի հետեւյալ կազմը.
Արդարադատության նախարարությունը կգլխավորի Գոչա Լորթքիփանիձեն Թեա Ցուլուքիանիի փոխարեն, որը դարձել է պատգամավոր եւ շարունակել աշխատանքը խորհրդարանում;
Վրաստանի տարածաշրջանային զարգացման եւ ենթակառուցվածքի նախարարն է Մայա Ցքիթիշվիլին;
Վրաստանի ներքին գործերի նախարար՝ Վախթանգ Գոմելաուրի;
Վրաստանի էկոնոմիկայի եւ կայուն զարգացման նախարար՝ Նաթիա Թուրնավա;
Պաշտպանության նախարար՝ Իրակլի Ղարիբաշվիլի;
Վրաստանի ներքին գործերի նախարար՝ Դավիթ Զալկալիանի;
Վրաստանի ֆինանսների նախարար՝ Իվանե Մաչավարիանի;
Վրաստանի կրթության, գիտության, մշակույթի եւ սպորտի նախարար՝ Միխայիլ Չխենքելի;
Վրաստանի առողջապահության եւ սոցիալական պաշտպանության նախարար՝ Եկատերին Թիքարաձե;
Վրաստանի շրջակա միջավայրի եւ գյուղատնտեսության նախարար՝ Լեւան Դավիթաշվիլի;
Քաղաքացիական իրավահավաասարության եւ հաշտության նախարար՝ Թեա Աղխլեդիանի:
Խորհրդարանը նաեւ հաստատել է վարչապետ Գեորգի Գախարիայի ներկայացրած «Եվրոպական պետություն կառուցելու համար» կառավարական ծրագիրը: Դրանում որոշված են կառավարության հիմնական նպատակները՝ համավարակի հետեւանքով առաջացած ճգնաժամի հաղթահարում, տնտեսության արագ վերականգնում եւ զարգացում, յուրաքանչյուր քաղաքացու համար կայուն եւ անվտանգ միջավայրի ստեղծում, կառուցվածքային բարեփոխումների շարունակական իրականացում:
