նախընտրելի դարձնել
Օրինագիծը սահմանում է, որ Հայաստանում պետական կազմակերպությունների լիազորություններ կվերապահվեն նաեւ հանրապետության ՄԻՊ գրասենյակի, նախագահի, վարչապետի, Ազգային ժողովի աշխատակազմերին, Հանրային հեռուստառադիոընկերության խորհրդին, ինչպես նաեւ պետական մարմիններին (ներառյալ նրանց ենթակա պետական մարմինները): Այս մասին փետրվարի 10-ին «Պետական հատվածի կազմակերպությունների հաշվապահական հաշվառման մասին» օրենքում փոփոխություններ եւ լրացումներ կատարելու մասին» օրենքի նախագծի քննարկման ժամանակ ասաց ՀՀ ֆինանսների փոխնախարար Արման Պողոսյանը:
Միակ բացառությունը, ինչպես նշեց փոխնախարարը, կլինեն հանրապետության Կենտրոնական բանկը եւ նրա աշխատակիցները:
Բացի այդ, կկարգավորվեն նաեւ ֆինանսների նախարարության լիազորությունները պետական հատվածի կազմակերպությունների նկատմամբ, որպեսզի վերը նշված գերատեսչությունը կարողանա ընդունել բոլոր անհրաժեշտ ենթաօրենսդրական ակտերը:
«Այս իրավական ակտերն արդեն կան, սակայն, քանի որ դրանք չեն ընդունվել լիազոր մարմնի կողմից, այնպես է ստացվել, որ դրանք անհատական եւ բացառապես հանձնարարական բնույթ են կրում»,- պարզաբանեց Պողոսյանը:
Միեւնույն ժամանակ, ըստ փոխնախարարի, փոփոխությունների մեկ այլ խումբ ֆինանսների նախարարությանը լիազորություն է տալիս վերահսկելու պետական հատվածի կազմակերպություններում հաշվապահական հաշվառման համակարգերի ներդրման եւ իրականացման մակարդակը` նշելով, որ այսօր դա արվում է, բայց միայն այս կամ այն նախարարության նախաձեռնությամբ:
«Փոփոխությունների չորրորդ խումբն առաջարկում է վերանայել կարգավորող մարմինների ֆինանսական հաշվետվողականության ժամկետները՝ սահմանելով ավելի իրատեսական ժամկետներ»,- ասաց Պողոսյանը:
