նախընտրելի դարձնելԳեղարքունիքի մարզի Գեղահովիտ եւ Ակունք համայնքներում հունիսի 12-ին տեղի են ունեցել համայնքի ղեկավարի ընտրություններ:
ՀՀԿ մամուլի ծառայությունից NEWS.am-ին հայտնում են, որ ընտրությունների արդյունքում Գեղահովտի համայնքում 4392 ընտրողներից մասնակցել են 2727 ընտրողներ եւ առաջադրված 3 թեկնածուներից ՀՀԿ անդամ Վարդան Պողոսյանը ստացել է 1772 ձայն, անկուսակցական Թաթուլ Գրիգորյանը 908 ձայն եւ անկուսակցական Նահապետ Գեւորգյանը`199 ձայն:
Իսկ Ակունք համայնքում 2968 ընտրողներից մասնակցել են 1838 ընտրողներ եւ առաջադրված 3 թեկնածուներից ՀՀԿ անդամ Արծրուն Ղարիբյանն ստացել է 970 ձայն, անկուսակցական Կամո Պողոսյանը 68 ձայն եւ ԲՀԿ անդամ Ստեփան Ղազարյանը`740 ձայն:
Այսպիսով, Գեղահովիտ եւ Ակունք համայնքներում համայնքի ղեկավարներ են վերընտրվել Հայաստանի Հանրապետական Կուսակցության անդամ Վարդան Պողոսյանը եւ Արծրուն Ղարիբյանը:
