նախընտրելի դարձնել
Սոցիալական աջակցության միջոցառման շրջանակներում գրանցվել է 8410 շահառու եւ վճարվել 1,1 միլիարդ դրամ՝ պատերազմի ընթացքում ավերածությունների կամ այլ պատճառներով իրենց ունեցվածքը կորցրած Ղարաբաղի չափահաս քաղաքացիների ժամանակավոր տեղակայման ծախսերը փոխհատուցելու համար: Այս մասին ապրիլի 15-ին Ազգային ժողովի նիստում կառավարության 2020թ․ գործունեության հաշվետվությունը ներկայացնելու ժամանակ ասաց փոխվարչապետ Մհեր Գրիգորյանը:
Ծրագիրը, նրա խոսքով, գործում է 2020-ի դեկտեմբերից՝ հնարավորություն ընձեռելով այն քաղաքացիներին, ովքեր ապաստան են տվել Ղարաբաղի բնակիչներին, օգնություն ստանալ՝ 30 000 դրամի չափով Հայաստանում եւ 45 000 դրամի չափով Լեռնային Ղարաբաղի Հանրապետությունում:
Միեւնույն ժամանակ, 4210 շահառու գրանցվել է Ղարաբաղում ռազմական գործողությունների մասնակից ուսանողների, նրանց ուսանող երեխաների եւ ամուսինների ուսուցման մեկ կիսամյակի ուսման վարձերի փոխհատուցման ծրագրով: «Այս պահին վճարվել է 900 միլիոն դրամ»,- ասաց փոխվարչապետը:
Բացի այդ, վիրավոր զինծառայողներին օգնելու ծրագրի շրջանակներում գրանցվել է 6,5 հազար շահառու եւ վճարվել է 3,3 միլիարդ դրամ: Այսպես, օգնություն է տրամադրվում է վիրավորվելու դեպքում՝ բժշկական զննումից հետո, երբ արդեն որոշվել է հաշմանդամության խումբը: «Առաջին խմբի հաշմանդամները կստանան 3 միլիոն դրամ, երկրորդ խմբինը՝ 2 միլիոն դրամ, իսկ երրորդ խմբի դեպքում՝ 1 միլիոն դրամ»,- հստակեցրեց Գրիգորյանը:
Միեւնույն ժամանակ, ՀՀ Սյունիքի մարզի Շուռնուխ եւ Որոտան գյուղերի 35 ընտանիքներ, որոնց տները հայտնվել են Ադրբեջանի վերահսկողության տակ, ֆինանսական աջակցություն ցուցաբերելու ծրագրում ընդգրկվել են շահառուների ծրագրում, որոնց վճարվել է 15 միլիոն դրամ:
Ադրբեջանի կողմից սանձազերծված պատերազմի արդյունքում գույքային վնասներ կրած հայ համայնքների քաղաքացիներին փոխհատուցում տրամադրելու ծրագիրն ընդգրկում է 77 շահառուի: Այս պահին վճարվել է 55 մլն դրամ:
Ղարաբաղում գրանցված անձանց օժանդակելու համար նաեւ իրականացվում է զանգվածային ծրագիր, որի շրջանակներում 77 420 շահառու կա, վճարվել է 5,3 միլիարդ դրամ:
