Երկրագնդի իոնոսֆերայի ուսումնասիրման համար նախատեսված «Իոնոսֆերա» չորս ռուսական փոքր արբանյակների արձակումը նախատեսվում է 2022-2023 թվականներին, հետեւում է YouTube-ում հրապարակված «Ռոսկոսմոս»-ի տեսանյութից, փոխանցում է «ՌԻԱ Նովոստին»:

«2022-2023: 4 փոքր «Իոնոսֆերա» տիեզերանավեր»,- ասվում է տեսանյութում ցուցադրված սլայդում:

Մարտին հայտնի է դարձել, որ «Իոնոսֆերա»-ի առաջին զույգի մեկնարկը 2021 թվականից հետաձգվել է մինչեւ 2022 թվականը: 2020 թվականի դեկտեմբերին Ռուսաստանի գիտությունների ակադեմիայի տիեզերական հետազոտությունների ինստիտուտի տնօրեն Անատոլի Պետրուկովիչը «ՌԻԱ Նովոստի»-ին ասել էր, որ երկրորդ զույգի արձակումը նախատեսվում է 2024 թվականին:

«Իոնոսֆերա» արբանյակները կչափեն Երկրի իոնոսֆերայի դինամիկան, Երկրին մոտ մագնիսական եւ էլեկտրական դաշտերը, ինչպես նաեւ պրոտոնների եւ էլեկտրոնների հոսքը՝ մոտ 800 կիլոմետր բարձրությամբ: