նախընտրելի դարձնել
Թուրքիայի ազգային պաշտպանության նախարարությունը շաբաթ օրը հայտարարել է, որ Բոսֆորում ական հիշեցնող օբյեկտ է վնասազերծվել։
«Մարտի 26-ին քաղաքացիական առեւտրային նավի կողմից Բոսֆորի ափամերձ գոտում ական հիշեցնող օբյեկտի հայտնաբերումից հետո ստորջրյա պաշտպանության խմբերը անհապաղ ուղարկվել են դեպքի վայր։ Միջամտություն է կատարվել այն վնասազերծելու ուղղությամբ»,- ասվում է հաղորդագրության մեջ։
«Այս միջադեպի պատճառով նավերի երթեւեկությունը երկու ուղղություններով դադարեցվել է մինչեւ հետագա ծանուցումը»,- ՏԱՍՍ-ին հայտնել է Թուրքիայի առափնյա պահպանությունը։
Ավելի վաղ Dogan գործակալությունը հայտնել է, որ ձկնորսները հայտնաբերել են ական հիշեցնող առարկա։
