նախընտրելի դարձնել
Մոսկվայի եւ Անկարայի հարաբերություններն ավելի շուտ մրցակցային համագործակցության բնույթ ունեն, NEWS.am-ի թղթակցի հետ զրույցում ասաց ՄԳԻՄՕ-ի Միջազգային հետազոտությունների ինստիտուտի առաջատար գիտաշխատող, փորձագետ, քաղաքագետ Սերգեյ Մարկեդոնովը։
Մասնավորապես, նա համաձայնեց մի շարք գործընկերների, այդ թվում՝ թուրքերի գնահատականներին, որոնք կարծում են, որ Մոսկվայի եւ Անկարայի հարաբերություններն ավելի շուտ «մրցակցային համագործակցություն» ունեն։
«Հազիվ թե հնարավոր լինի դաշնակցային անվանել մեր հարաբերությունները Անկարայի հետ։ Մենք էական հակասություններ ունենք։ Անկարան աջակցում է Ուկրաինայի տարածքային ամբողջականությանը եւ ճանաչում է Ղրիմը որպես այդ պետության մաս։ Մենք որոշակի տարաձայնություններ ունենք նաեւ Սիրիայի հարցում։ Դա արտահայտվեց նաեւ երկու երկրների արտգործնախարարների բանակցություններում»,- ասաց Մարկեդոնովը։
Դրա համար բազմաթիվ ապացույցներ կան, ասում է նա։ Թուրքիայի ռազմական գործողությունը Սիրիայի հյուսիսում առաջացրել է Կրեմլի հանդիմանությունը։
«Այո, այն զուսպ էր, սակայն մենք ակնհայտ տեսանք, որ կողմերն այս հարցում լիակատար համաձայնության չեն եկել», ասաց նա։
