Սյունիքի մարզպետ Ռոբերտ Ղուկասյանն այցելել է Սիսիան համայնքի Մուցք, Բալաք, Շաղատ և Անգեղակոթ բնակավայրեր։

Մարզպետարանից NEWS.am-ին հայտնում են, որ մարզպետը շրջել է գյուղերում, հանդիպել վարչական ղեկավարներին, նրանց ու բնակիչների հետ զրուցել առկա խնդիրների մասին։

Ռոբերտ Ղուկասյանը եղել է նաև գյուղերի՝ առողջության առաջնային պահպանման կետերում, դպրոցներում, որոնցում տպավորիչ էր հատկապես Շաղատի դպրոցում «Յունիբանկի»  հիմնած համակարգչային դասարանը։