նախընտրելի դարձնել
Հնդկաստանում 9-րդ դասարանի աշակերտները մաթեմատիկայի ուսուցչին կապել են ծառին ու ծեծել, գրում է NDTV-ն։ Միջադեպի պատճառը քննության ժամանակ ուսուցչի դրած վատ գնահատականներն են եղել։
Ծեծին մասնակցել են 9-րդ դասարանի 11 աշակերտներ, որոնք վատ գնահատական են ստացել մաթեմատիկայի քննությունից։ Ոստիկանությունը նշել է, որ ոչ ինքը՝ ուսուցիչը, ոչ էլ դպրոցի տնօրինությունը դեպքի վերաբերյալ հայտարարություն չեն արել։
Տուժած ուսուցիչը նախկինում դպրոցի տնօրեն է եղել, սակայն անհայտ պատճառով հեռացվել է զբաղեցրած պաշտոնից։ Նա հրաժարվել է մեկնաբանությունից։ Առայժմ հայտնի չէ՝ կշարունակի արդյոք աշխատել դպրոցում։
