Նախընտրելի
Գերմանիան ակնկալում է ՆԱՏՕ-ի հիմնական առաքելության համար Puma հետեւակի մարտական մեքենաներ (ՀՌՄ) տեղակայել 2023 թվականի առաջին կիսամյակում, ասել է Գերմանիայի զինված ուժերի գլխավոր տեսուչ Էբերհարդ Ցորնը այն բանից հետո, երբ Բեռլինը ստիպված է եղել Puma-ները դուրս բերել դաշինքի արագ արձագանքման ուժերից՝ զորավարժությունների ժամանակ առաջացած խնդիրների պատճառով։
«Հենց մենք ունենանք բավականաչափ վերանորոգված եւ գործող մեքենաներ մեկ վաշտի համար, մենք այն կօգտագործենք VJTF-ի համար»,- ասել է Էբերհարդ Ցորնը՝ նկատի ունենալով ՆԱՏՕ-ի բարձր պատրաստվածության համատեղ աշխատանքային խմբին (VJTF):
Այս տարի Գերմանիան գլխավորում է դաշինքի արագ արձագանքման ստորաբաժանումը, որն իրենից ներկայացնում է ՆԱՏՕ-ի արձագանքման եւ ամրապնդման առաջին գիծը Ռուսաստանի հետ հակամարտության կամ լարվածության սրման դեպքում:
«Ես ակնկալում եմ, որ Puma-ն պատրաստ կլինի VJTF-ին տարվա առաջին կիսամյակում»,- հավելել է Ցորնը:
Պաշտպանության նախարար Քրիստին Լամբրեխտը դեկտեմբերին ասել էր, որ Գերմանիան այլեւս չի գնի Puma, քանի դեռ դրանք չեն ապացուցել իրենց հուսալիությունը այն բանից հետո, երբ մի քանիսը զորավարժությունների ժամանակ դուրս են եկել շարքից:
