Ուկրաինական «Motor Sich» ընկերությունն իր ներկայացուցչությունը  է բացել Թուրքիայում

Ուկրաինական «Motor Sich» ընկերությունն իր ներկայացուցչությունն է բացել Թուրքիայում, որի գրասենյակը գտնվում է Անկարայի կենտրոնում։ Այս մասին «Ukrinform»-ին տված հարցազրույցում ասել է Թուրքիայում Ուկրաինայի արտակարգ եւ լիազոր դեսպան Վասիլի Բոդնարը։

«Այո, նրանք առաջին կիսամյակում ընտրել են ներկայացուցչության տարածքը եւ դա արել են՝ ելնելով Թուրքիայի հետ ռազմավարական համագործակցությունից։ Այս գրասենյակը պետք է աշխատի կապերի եւ համագործակցության ամրապնդման ուղղությամբ։ Թուրքական շուկան գրավիչ է ինչպես Motor Sich-ի, այնպես էլ մեր պաշտպանական արդյունաբերության այլ ձեռնարկությունների համար»,-  ասել է Բոդնարը։

Ինչպես հաղորդում է «Ukrinform»-ը, նոյեմբերի վերջին Motor Sich-ը, որը մասնագիտացած է ավիացիոն տեխնիկայի արտադրության ոլորտում, գլխավորել է Ալեքսեյ Նիկիֆորովը։ Ռոտացիաներ են եղել նաեւ բաժնետիրական ընկերության դիտորդ խորհրդում եւ տնօրենների խորհրդի անդամների միջեւ։ Համապատասխան հրամանը ստորագրել է պաշտպանության վարչության պետ Ալեքսեյ Ռեզնիկը։

Ավելի վաղ Ազգային անվտանգության եւ պաշտպանության խորհրդի քարտուղար Ալեքսի Դանիլովը հայտնել էր, որ Motor Sich, Zaporizhtransformator, AvtoKrAZ, Ukrnafta եւ Ukrtatneft ընկերությունների ակտիվները փոխանցվել են պաշտպանության նախարարությանը։

Նշենք, որ Motor Sich-ը աշխարհի առաջատար ձեռնարկություններից է, որն արտադրում է տարբեր դասերի ու նշանակության ինքնաթիռների եւ ուղղաթիռների շարժիչներ, ինչպես նաեւ արդյունաբերական տուրբիններ։