նախընտրելի դարձնելԵրեւանում երկու երիտասարդներ ծեծել ու կողոպտել են տաքսու վարորդին:
Ոստիկանության մամուլի ծառայությունից NEWS.am-ին հայտնում են, որ սեպտեմբերի 13-ին ոստիկանության Մալաթիայի բաժին է դիմել տաքսի ծառայություններից մեկի վարորդ, 29-ամյա Անդրանիկ Գ.-ն եւ հայտնել, որ մի քանի օր առաջ իրեն կողոպտել են:
Ոստիկանության ծառայողները պարզել են, որ սեպտեմբերի 8-ին, ժամը 17.00-ին, 23-ամյա Արման Հ.-ն` ընկերոջ հետ, «Սամանդ» մակնիշի տաքսի ավտոմեքենայում ծեծի են ենթարկել Անդրանիկ Գ.-ին և ավտոմեքենայի բեռնախցիկից բացահայտ հափշտակելով գումար` դիմել են փախուստի:
Սեպտեմբերի 13-ին, ժամը 15.20-ին, Հաղթանակ թաղամասում Արման Հ.-ն նկատելով Անդրանիկ Գ.-ի վարած ավտոմեքենան՝ կանգնեցրել է, ծեծի ենթարկել վարորդին եւ մարմնի տարբեր մասերում պատճառել վնասվածքներ:
Նշանակվել է դատաբժշկական փորձաքննություն:
Արման Հ.-ն բերման է ենթարկվել:
