նախընտրելի դարձնել
Վրաստանի Պետական անվտանգության ծառայության ղեկավար Գրիգոլ Լիլուաշվիլին այսօր խորհրդարանում հայտարարել է, որ մի քանի օր առաջ ԱՄՆ-ի քաղաքացի Ջեյմսոն Մարշալ Քոմինսիին մերժել են երկիր մուտք գործելու հարցում, հաղորդում է «Նովոստի-Գրուզիան»։
Լիլուաշվիլին, ում հայտնվելը նիստին անակնկալ էր լրագրողների համար, պնդել է, որ Քոմինսը կապված է «քայքայիչ խմբի հետ, որը Թբիլիսիում անկարգություններ է կազմակերպել «օտարերկրյա գործակալների» մասին օրենքի դեմ եւ զբաղվել է հրահանգությամբ։
Այս անգամ նրան թույլ չեն տվել մուտք գործել Վրաստան, քանի որ կոնկրետ տեղեկություն է եղել՝ հիմնված «խիստ վստահելի աղբյուրների վրա», պնդել է Լիլուաշվիլին:
Նա նշել է, որ մերժելուց հետո, ԱՄՆ-ի դեսպանատունը կապ չի հաստատել վրացական հատուկ ծառայությունների հետ։
«Հավանաբար, նրանք նույնպես լավ գիտեն պատճառը, որի համար մենք նրան մերժեցինք», – ասել է Լիլուաշվիլին։
Քոմինսը մասնագիտացած է ռազմավարության խորհրդատվության, միջազգային շահերի պաշտպանության եւ ճգնաժամային կառավարման ոլորտում: Comins-ի գրասենյակի կայքում հրապարակված տեղեկատվության համաձայն՝ նա աշխատում է Արեւելյան Եվրոպայի եւ Եվրասիայի հաճախորդների հետ։ Վերջին տարիներին նա ավելի շատ ժամանակ է անցկացնում աֆրիկյան երկրներում։
Վրաստան կատարած նրա այցի նպատակի եւ երկրում գտնվող հաճախորդների մասին նախկինում չի հաղորդվել: Միեւնույն ժամանակ, Netgazeti հրատարակությունը սոցիալական ցանցերում հայտնաբերել է լուսանկար, ըստ որի, 2022 թվականի սեպտեմբերին Վրաստան կատարած այցի ժամանակ Քոմինսը հանդիպել է էկոնոմիկայի նախարար Լեւան Դավիթաշվիլիի հետ։
Այս հաղորդագրությունը սոցիալական ցանցերում հրապարակել է H5 Strategies միջազգային խորհրդատվական ընկերության գործադիր տնօրեն Անտոն Պիսարօղլուն։ Պիսարօղլուն եղել է Ռումինիայի վարչապետի արտաքին հարաբերությունների հարցերով ավագ խորհրդականը։ Նա նաեւ աշխատել է որպես միջազգային հարցերով խորհրդական ԱՄՆ մայրաքաղաքում գտնվող Washington East West Political Strategies-ում:
