նախընտրելի դարձնել
Ռուսաստանի եւ Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը լուրջ քաղաքական գործիչներ են, որոնք պատասխանատու են իրենց խոսքերի համար եւ զբաղվում են փոխշահավետ երկկողմ հարաբերությունների հետ կապված կոնկրետ հարցերով, ասել է ՌԴ նախագահի մամուլի քարտուղար Դմիտրի Պեսկովը, հայտնում է ՌԻԱ Նովոստին։
«Պուտինն ու Էրդողանը շատ լուրջ քաղաքական գործիչներ են՝ հսկայական քաղաքական փորձով եւ որոնց բնորոշ չեն պոպուլիստական հնարքները։ Նրանք քաղաքական եւ պետական գործիչներ են, որոնք պատասխանատու են իրենց խոսքերի համար»,- լրագրողներին ասել է Պեսկովը՝ պատասխանելով հարցին, թե ինչու երկու առաջնորդների հարաբերություններն հատուկ բնույթ ունեն։
Նա նշել է, որ Պուտինն ու Էրդողանը զբաղվում են երկկողմանի փոխշահավետ հարաբերությունների հետ կապված կոնկրետ հարցերով, ինչը կարեւոր է երկու երկրների ժողովուրդների համար։
