Ուկրաինայի նախագահ Վլադիմիր Զելենսկին ժամանել է Մոլդովա՝ մասնակցելու Եվրոպական քաղաքական հանրույթի գագաթաժողովին, որը տեղի է ունենալու հունիսի 1-ին,  տեղեկացրել է «Европейская правда»-ն։

Զելենսկին ժամանել է «Միմի ամրոց» Բելբոակա գյուղում, որտեղ տեղի է ունենում Եվրոպական քաղաքական հանրույթի գագաթաժողովը, առաջինը Մոլդովայի նախագահ Մայա Սանդուից հետո։

Սպասվում է, որ գագաթաժողովին կմասնակցի մոտ հիսուն եվրոպական նախագահ եւ կառավարությունների ղեկավարներ։

Ուկրաինայի նախագահի անհատական մասնակցությունը գագաթաժողովին պաշտոնապես հաստատված չէր մինչեւ վերջին պահը՝ անվտանգության նկատառումներից ելնելով։ Մոլդովայի ՆԳՆ-ում ասել են, որ Զելենսկու մասնակցության մասին լուրը պետք է գաղտնիացված լինի՝ նրա անվտանգության հետ կապված։

«Եվրոպական քաղաքական հանրույթի երկրորդ հանդիպմանը քննարկվելու են հանուն խաղաղության գործադրվող համատեղ ջանքերն Ուկրաինայում պատերազմի համատեքստում եւ դրա հետ կապված ճգնաժամերը, դեմոկրատիայի պաշտպանությունը, էներգետիկ անվտանգության ամրապնդումը եւ եվրոպական պետությունների կայունությունը»,- նշել է ԶԼՄ-ն։