Վրաստանի ամենահարուստ մարդը՝ Բիձինա Իվանիշվիլին, մեկ տարում հարստացել է եւս 600 մլն դոլարով, գրում է Bloomberg-ը։

Իվանիշվիլիի ակտիվներն այսօրվա դրությամբ գնահատվում են 6,2 մլրդ: Bloomberg-ը՝ վկայակոչելով իր աղբյուրները, գրում է, որ  միայն արվեստի առարկաների հավաքածուն արժե մոտ 1 մլրդ դոլար: 

Այժմ Իվանիշվիլին Bloomberg-ի ամենահարուստ մարդկանց ցուցակում զբաղեցնում է 411-րդ հորիզոնականը։

Ապրիլին Իվանիշվիլին Forbes-ի հերթական վարկանիշում զբաղեցրել է աշխարհի ամենահարուստ մարդկանց ցուցակում 545-րդ հորիզոնականը։

Նրա կարողությունը գնահատվել է 4,9 մլրդ դոլար՝ 100 մլն դոլարով ավելի, քան նախորդ տարի։