Քենիայի տրանսպորտի նախարար Կիպչումբա Մուրկոմենը ուրբաթ ուշ երեկոյան ներողություն է խնդրել երկրից այն բանից հետո, երբ Նայրոբիի գլխավոր օդանավակայանի ուղեւորներին մթության մեջ է թողել էլեկտրաէներգիայի համատարած խափանումը, հայտնում է Reuters-ը:

Երկրի շատ մասերում էլեկտրաէներգիան անջատվել է ուրբաթ՝ տեղական ժամանակով ժամը 21:45-ին, ասվում է էլեկտրաէներգիայի բաշխիչ ընկերության հայտարարության մեջ, որը տեղի ունեցածը վերագրում է «համակարգային խափանումներին, որոնք հանգեցրել են զանգվածային էլեկտրամատակարարման կորստի»:

Շուտով սոցցանցերում հայտնվեցին Jomo Kenyatta միջազգային օդանավակայանում (JKIA) մթության մեջ նստած հայտնված ուղևորների նկարները: Օդանավակայանի օպերատորը՝ Քենիայի օդանավակայանների վարչությունը, հայտնել է, որ օդանավակայանի պահեստային գեներատորներից մեկը չի միացել:

«Ես շատ եմ ցավում JKIA-ում տեղի ունեցածի համար՝ էլեկտրաէներգիայի անջատման պատճառով»,- ասել է Մուրկոմենը X (Twitter) իր միկրոբլոգում։ «Զեկուցելու ոչ մի արդարացում և պատճառ, թե ինչու է մեր օդանավակայանը մթության մեջ հայտնվել»: