Ճապոնիայի ձկնորսության գործակալությունը շաբաթ օրը հայտնել է, որ ավերված Ֆուկուսիմա ատոմակայանի շրջակայքի ջրերում հետազոտված ձկների մեջ տրիտիումի ռադիոակտիվ իզոտոպ չի հայտնաբերվել, հաղորդում է Kyodo լրատվական ծառայությունը։

Ցանցերը տեղադրվել են հինգշաբթի օրը, երբ ատոմակայանի օպերատոր Tokyo Electric Power Company-ն (Tepco) սկսեց մաքրված ռադիոակտիվ ջուր լցնել Խաղաղ օվկիանոս, ինչը Ճապոնիայում բարկացրեց ձկնորսներին և շատ այլոց, անհանգստացրեց հարևան երկրներում սպառողներին և Չինաստանին դրդեց Ճապոնական ջրային արտադրանքի վրա արգելք սահմանել:

Գործակալությունը նախատեսում է ամեն օր հայտնել թեստի արդյունքները։ Ուրբաթ օրը Tepco-ն հայտարարեց, որ ատոմակայանի մոտ ծովի ջուրը մեկ լիտրում պարունակում է 10 բեկերելից պակաս տրիտիում, որը ցածր է իր սահմանից՝ 700 բեկերելից և շատ ցածր է Առողջապահության համաշխարհային կազմակերպության կողմից խմելու ջրի համար սահմանված 10,000 բեկերելից:

Երեքշաբթի օրը Ճապոնիայի վարչապետ Ֆումիո Կիսիդայի կառավարությունը երկար քննարկումներից հետո որոշեց թույլատրել 1,3 միլիոն տոննա մաքրված ջուր բաց թողնել Ֆուկուսիմայի ատոմակայանից, որը ավերվել էր 2011թ.-ին։ 

Ընկերությունը զտում է ջրից ռադիոակտիվ տարրերի մեծ մասը, սակայն այն նոսրացնում է տրիտումով՝ ջրածնի իզոտոպով, որը դժվար է մեկուսացնել ջրից:

Ավելի վաղ ԶԼՄ-ները հայտնել էին, որ Ճապոնիայի խաղաղօվկիանոսյան ափին գտնվող Ֆուկուսիմա, Միյագի և Իբարակի պրեֆեկտուրաների բնակիչները մտադիր են սեպտեմբերի 8-ին դատական ​​հայց ներկայացնել պետության դեմ՝ պահանջելով դադարեցնել  Ֆուկուսիմա-1 ատոմակայանից օվկիանոս մաքրված ջրի արտահոսքը։