Ուկրաինայի արդարադատության նախարար Դենիս Մալյուսկան մեկնաբանել է արտասահման փախած ուկրաինացիների հնարավոր արտահանձնման մասին տեղեկատվությունը, հայտնում է ՈՒՆԻԱՆ-ը։

Ինչպես նշել է Արդարադատության նախարարության ղեկավարը ազգային հեռուստամարաթոնի եթերում, սա չափազանց բարդ ու տքնաջան աշխատանք է, և նման արտահանձնումը հնարավոր դարձնելու համար պետք է կատարվեն մի շարք պայմաններ, ինչը դեռ հնարավոր չէ։

«Վաղը պայմանականորեն անհնար կլիներ դա իրականացնել հսկայական մասշտաբով։ Առաջինը կլինեն «թոփ-երը»՝ նրանք, ովքեր ամենաշատն են գողացել։ Մենք կփորձենք առաջին հերթին դրանց ձեռք բերել: Իսկ միջին ձուկն ու մյուս կերպարներն՝ ավելի ուշ»,- ասել է  նա։

Մալյուսկան ընդգծել է, որ Ուկրաինան առաջին հերթին ցանկանում է թոփ-կոռուպցիոներների արտահանձնումը։

«Հիմնական խնդիրն այն է, որ նույնիսկ առավել ակնհայտ ու աղաղակող հանցագործությունների դեպքում, որոնք կատարել են, օրինակ, արտերկիր փախած թոփ-կոռուպցիոներները, մեզ մերժում են ապահովել նրանց արտահանձնումը։ Որովհետև եվրոպական երկրներում, որտեղ գտնվում է նրանց մեծ մասը,  շատ զգուշավոր են արտահանձնման հարցում՝ մեր պատերազմի մեջ լինելու պատճառով։ Իսկ նրանց փաստաբանները նշում են, որ չափազանց վտանգավոր կլիներ նման կերպարներին տեղափոխել Ուկրաինա։ Ուստի, շատ դեպքերում, ցավոք,  մեր արտասահմանյան գործընկերներն առայժմ հրաժարվում են արտահանձնումից։ Բայց այս երևույթը ժամանակավոր է»,- ասել է նախարարը։