Գերմանիայի կանցլեր Օլաֆ Շոլցը X-ում (նախկինում՝ Twitter) լուսանկար է հրապարակել՝ վազքի ժամանակ վնասվածք ստանալուց հետո աչքի վիրակապով:

«Սպասում եմ մեմերի։ Շնորհակալություն բարեմաղթանքների համար, այն ավելի վատ է երևում, քան իրականում է»,- գրել է նա հրապարակման մեջ:

Սեպտեմբերի 2-ին գերմանական կաբինետի ներկայացուցիչը Spiegel ամսագրին հայտնել է, որ 65-ամյա Շոլցը վազելիս վայր է ընկել և հարվածել դեմքը։ Երկուշաբթի օրվանից նա մտադիր է հավատարիմ մնալ իր ժամանակացույցին, հրատարակությանը հավաստիացրել է աղբյուրը։