նախընտրելի դարձնել
ԱՄՆ պետքարտուղար Էնթոնի Բլինքենն այս շաբաթ կրկին շրջագայության կկատարի Մերձավոր Արևելք, որի ընթացքում կայցելի Իսրայել։
«Քարտուղար Բլինքենն ուրբաթ կմեկնի Իսրայել՝ հանդիպելու Իսրայելի կառավարության անդամների հետ, այնուհետև այլ այցեր կկատարի տարածաշրջան»,- ասել է Պետդեպարտամենտի խոսնակ Մեթյու Միլլերը՝ չհայտնելով այլ մանրամասներ։
Ավելի ուշ Սպիտակ տունը հայտնել է, որ նախագահ Ջո Բայդենը զրուցել է Հորդանանի թագավոր Աբդալլահ Երկրորդի հետ: Երկու կողմերը «քննարկել են բռնությանը վերջ տալու, հռետորաբանությունը հանգստացնելու և տարածաշրջանային լարվածությունը նվազեցնելու հրատապ մեխանիզմները», ասվում է Սպիտակ տան հայտարարության մեջ։
Երկու առաջնորդները «համաձայնեցին, որ կարևոր է ապահովել, որ պաղեստինցիները բռնի տեղահանված չլինեն Գազայից դուրս», իսկ Բայդենը «վերահաստատեց Միացյալ Նահանգների անսասան աջակցությունը Հորդանանին և Նորին Մեծության ղեկավարությանը»:
Բլինքենը զրուցել է Իսրայելի նախագահ Իսահակ Հերցոգի հետ՝ վերահաստատելու ԱՄՆ աջակցությունը Իսրայելի «ինքնապաշտպանության իրավունքին» և հորդորել երկրին «խելամիտ նախազգուշական միջոցներ ձեռնարկել՝ նվազագույնի հասցնելու համար խաղաղ բնակիչներին հասցվող վնասը»:
